एमाओवादीका केन्द्रीय सदस्य साह महिना दिनदेखि थुनामा

काठमाडौं- एकीकृत माओवादीका केन्द्रीय सदस्य दिलीप साह धनुषाबाट पक्राउ परि बहुबिबाहको आरोपमा महिना दिनदेखि महोत्तरी, जलेश्वरस्थित कारागारको थुनामा छन्।

युद्धकालमा नै नेकपा माओवादी अध्यक्ष मातृकाप्रसाद यादवकी छोरी कविता यादवसँग विवाह गरेका केन्द्रीय सदस्य साहले दुई महिनाअघि अर्को विवाह गरेका थिए।

दोस्रो विवाह गरेर फरार रहेका साह पत्नी कविताको उजुरीको आधारमा एक महिनाअघि पक्राउ परेका थिए। साहले कवितालाई छाडेर धनुषाकी अनिता यादवसँग दोस्रो विवाह गरेका हुन्।

मातृकाले पार्टी परित्याग गर्दा साहले पनि एमाओवादी परित्याग गरेका थिए तर चुनावअघि पुनः साह ससुरा मातृकालाई छाडेर एमाओवादीमा फर्किएका थिए।

चुनावलगत्तै साहले दोस्रो विवाह गरेका थिए।