गृहमन्त्रीले भने-‘रमेश खरेल सेलिब्रेटी हुन खोजे’

काभ्रे- उपप्रधान तथा गृहमन्त्री बामदेव गौतमले काठमाडौं प्रहरी परिसरका प्रमुख रमेश खरेल ‘सेलिब्रेटी’ बन्न खोजेको बताएका छन् ।

पार्टीको भातृ संगठन युवा संघ नेपालको केन्द्रीय कमिटीको पूर्ण बैठकलाई धुलीखेलमा सम्बोधन गर्दै उनले एसएसपी खरेललाई त्यस्तो आरोप लगाएका हुन् ।

उनले खरेलले प्रचारात्मक शैलीमा अपराधीलाई समात्ने र छाड्ने गरेको बताए । ‘एसएसपी अहिलेसम्म भेट्न आएको छैन । उनी सेलीब्रेटी बन्न खोजिरहेका छन्’ उनले भने, ‘प्रचारका लागि पक्रने अनि दुई तीन दिनमा छोड्ने अपराधीलाई उन्मुक्ति दिने तरिका हो ।’

उनले आफ्नो मन्त्रालय अन्तर्गत अपराधीलाई उन्मुक्ति दिने काम भए कारबाहीको भागी हुनुपर्ने बताए ।