माओवादीलाई थुन्ने षड्यन्त्र भयो : वैद्य

पर्सा- नेकपा–माओवादीका अध्यक्ष मोहन वैद्यले सर्वोच्च अदालतको पछिल्लो फैसला माओवादीलाई मुद्दा लगाएर थुन्ने षडयन्त्र भएको आरोप लगाएका छन् ।

पार्टीको वीरगन्जमा शनिबार आयोजित दोस्रो जिल्ला सम्मेलनको उद्घाटन समारोहमा बोल्दै उनले पुरानै कानुनबाट पनि द्वन्द्व व्यवस्थापन गर्न सकिने भन्ने सर्वोच्चको फैसला माओवादीलाई सिध्याउने योजना भएको जिकिर गरे ।

नेकपा–माओवादीलाई अहिले पनि शान्तिप्रक्रिया र संविधान निर्माणको प्रक्रियाबाट बाहिर राख्ने षडयन्त्र भइरहेको भन्दै अध्यक्ष वैद्यले यसले मुलुकलाई फेरि द्वन्द्वतर्फ धकेल्ने खतरा बढेको दाबी गरे ।

एमाओवादीमा आएको विचलनकै कारण अघिल्लो संविधानसभाले संविधान दिन नसकेको बताउँदै अध्यक्ष वैद्यले काँग्रेस र एमाले हाबी भएको वर्तमान संविधानसभाबाट जनताको संविधान जारी नहुने धारणा राखे ।