न्यायाधीशका सुरक्षाकर्मी मृत फेला

धनकुटा- पुनरावेदन अदालत धनकुटाका न्यायाधीश रामचन्द्र यादवका व्यक्तिगत सुरक्षा अधिकारी अर्थात पिएसओ रहेका नेपाल प्रहरीका असई गोविन्द राई शनिबार बिहान मृत फेला पर्नु भएको छ ।

जिल्ला प्रहरी कार्यालय धनकुटावाट खाना खाएर न्यायाधीश यादवकै निवासमा सुत्न गएका असई राई बिहान सुतेको ओच्छयानमै मृत फेला परेको प्रहरी निरीक्षक शेषराज थान्दारले जानकारी दिनुभयो ।

मोरङको बेलवारी घर भई प्रहरी चौकी त्रिवेणी छिन्ताङमा दरबन्दी भएका असई राई लामो समयदेखि न्यायाधीश यादवको पिएसओको रुपमा कार्यरत हुनहुन्थ्यो ।

असई राईको मृत्युको कारण खुल्न नसकेपनि उहाँ उच्च रक्तचापका बिरामी रहेको र ह्दयघातवाट मृत्यु भएको हुन सक्ने अनुमान गरिएको छ ।