मध्यरातबाट सबै क्यासिनोहरु बन्द

काठमाडौं- राज्यको कानुनी दायराभित्र नआएकाले भन्दै सबै क्यासिनोहरु आजबाट बन्द गराइएको छ। राजधानी काठमाडौं र पोखरामा सञ्चालित क्यासिनोहरु बन्द भएका छन् । एउटा मिनि क्यासिनो बाहेक हाल सञ्चालनमा रहेका आठ वटा ठूला क्यासिनोमध्ये कुनैले पनि नवीकरणका लागि निवेदन नदिएको भन्दै सरकारले बन्द गराएको हो ।

सरकारले दिएको १५ दिने म्यादको समयसीमा सकिएसँगै गएराती १२ बजेपछि क्यासिनो बन्द गरिएको छ । क्यासिनोहरुले एक अर्ब रुपैयाँभन्दा बढी रकम सरकारलाई तिर्न बाँकी छ।

सरकारले साउनमा क्यासिनो सञ्चालनसम्बन्धी नयाँ कानुन लागू गर्दै त्यसको दायराभित्र आउन आग्रह गरेको थियो।

व्यवसायीहरुले भने सरकारले थेग्न नसक्ने गरी रोयल्टी बढाएको आरोप लगाउँदै आएका छन्।वार्षिक अर्बौं रुपैयाँको कारोबार गर्ने क्यासिनो सञ्चालहरुले सरकारी लाचारीपनका कारण राजस्व तिर्न आनाकानी गर्दै आएका हुन ।