टोकियो – नेपाल पत्रकार महासंघ (FNJ) जापानको दोस्रो अधिवेशनका लागि प्रमुख अतिथिकारुपमा आमन्त्रित महासंघका केन्द्रीय अध्यक्ष शिव गाउँले आज टोकियो आईपुग्नुभएको छ ।
यहि ६ अप्रिलमा हुन गईरहेको अधिवेशनमा भाग लिन अध्यक्ष गाउँले जापान आउनुभएको हो ।
गाउँलेलाई हानेदा विमान स्थलमा पत्रकार महासंघ जापानका अध्यक्ष तथा अधिवेशन मुल आयोजक समितिका संयोजक तिलक मल्लले स्वागत गर्नुभएको थियो । यसैगरी उहांलाई प्रवासी नेपाली पत्रकार सञ्जालका अध्यक्ष भूषण घिमिरे, नेपाल सन्देश डट कमका सम्पादक रविन्द्र श्रेष्ठ, एनआरएन जापानका सदस्य दिपक थापालगायतले पनि खादार्पण गरी अध्यक्ष गाउँलेलाई स्वागत गर्नुभएको थियो ।
पर्सी आइतवार आयोजित अधिवेशनका क्रममा अध्यक्ष गाउँलेले आधारभूत पत्रकारिता तथा उदघोषण सम्बन्धि प्रशिक्षण दिनुहुने भएको छ । उक्त प्रशिक्षण कार्यक्रममा भाग लिइ उपयुक्त अवसरको सदुपयोग गर्नु हुन जापानबासी ईच्छुक नेपालीहरुमा महासंघको जापान शाखाले हार्दिक अपिल गरेको छ । अधिवेशन टोकियो सिन ओकुबोस्थित एक सामुदायिक हलमा हुन गईरहेको छ ।***
