नेमकिपाको महाधिवेशन आजबाट

काठमाडौं- पुराना मुद्दालाई निरन्तरता दिदै नेपाल मजदुर किसान पार्टीले आफ्नो पार्टीको छैठौ महाधिवेशन आजदेखि सुरु भएको छ । समाजवाद हुँदै साम्यवादमा पुग्ने दीर्घकालीन उद्देश्य सहित आजदेखि सुरु हुन लागेको महाधिवेशनले संविधान निर्माण र राष्ट्रियताका विषयमा नयाँ एजेण्डा पारित गर्नेछ ।

आजदेखि २३ गतेसम्म काठमाडौँमा महाधिवेशनमा संविधानसभाबाट समाजवाद उन्मुख नयाँ संविधान निर्माण गर्ने विषयमा छलफल हुने अध्यक्ष नारायणमान विजुक्छेले जानकारी दिए ।

मार्क्सवाद–लेनिनवाद र माओत्सेतुङ विधारधारालाई मार्गनिर्देशक सिद्धान्तको रुपमा पार्टीले अङ्गिकार गर्दै आएको जनाउँदै पार्टीले सन् १९५० को असमान सन्धिको खारेजी, निजीकरण गरिएका उद्योगहरुको पुनः सार्वजनिकीकरण, विदेशी एकाधिकार पुँजी र साम्राज्यवादको विरोधलाई महाधिवेशनमा मुख्य मुद्दा बनाइएको छ ।