अखिल क्रान्तिकारीको १९औं सम्मलेन आजदेखि

काठमाडौं – अनेरास्ववियु क्रान्तिकारीको १९ औं राष्ट्रिय सम्मेलन आजदेखि शुरु हुँदैछ ।

सम्मेलनको एकीकृत नेकपा माओवादीका अध्यक्ष पुष्पकमल दाहाल प्रचण्डले उदघाटन गर्नेछन् ।

त्रिभुवन विश्वविद्यालय कीर्तिपुरको गान्धी भवनमा सम्मेलन शुरु हुने अखिल क्रान्तिकारीका अध्यक्ष हिमाल शर्माले जानकारी दिए ।

२५ गतेसम्म चल्ने सम्मेलनमा १२ सय प्रतिनिधिले भाग लिने अखिल क्रान्तिकारीले जनाएको छ । १ सय ५१ सदस्यीय कार्यसमिति मध्ये सम्मेलनले १ सय ३७ सदस्य निर्वाचित गर्ने छ भने बाँकी केन्द्रीय समितिले मनोनित गर्नेछ ।

अध्यक्षका लागि वर्तमान उपाध्यक्ष रमेश मल्ल, जागृत रायमाझी र विन्दमान विष्टको चर्चा छ भने महासचिवमा नरेन्द्र न्यौपाने, अनिल शर्मा, रञ्जित तामाङ्ग लगायतको चर्चा छ ।

सम्मेलनको नारा, शैक्षिक माफियाकरणको अन्त्य, सार्वजनिक शिक्षाको रुपान्तरण रहेको छ । ***