०७१ माघ ८ मा नयाँ संविधान !

काठमाडौं- संविधान निर्माणको कार्यतालिकामा २०७१ साल माघ ८ गते नयाँ संविधान जारी गर्ने उल्लेख गरिएको छ ।

संविधानसभा कार्यव्यवस्था परामर्श समितिको बैठकमा छलफलको चरणमा रहेको कार्यतालिको मस्यौदामा २०७१ माघ ८ गते संविधान जारी गर्नेगरी कार्यतालिका तयार गरिएको छ ।

संविधान निर्माणको काम पनि २०७१ वैशाखबाट सुरु गर्ने र ९ महिनामा संविधान जारी गर्ने गरि कार्यतालिका बनेको संसद सचिवालयले जानकारी दिएको छ । संसद सचिवालयले तयार गरेर कार्यव्यवस्था परामर्श समितिको बैठकमा पेस गरेको कार्यतालिका शुक्रबारको संविधानसभा बैठकले पारित गर्नेछ ।

संसद सचिवालयका प्रवक्ता मुकुन्द शर्माले शुक्रबार बिहान १० बजे बस्ने कार्यव्यवस्था समितिको बैठकले कार्यतालिकालाई अन्तिम रुप दिने र संविधानसभाको बैठकले पारित गर्ने जानकारी दिए ।