देउवाले बाबुरामलाई भने–‘जेल जान मन भए जाँदा हुन्छ’

दाङ- कांग्रेस वरिष्ठ नेता शेरबहादुर देउवाले दलीय सहमतिका लागि उच्च स्तरीय राजनीतिक संयन्त्रको आवश्यकता नरहेको बताएका छन्।

दलहरुबीच सहमति कायम गर्ने नाममा राजनीतिक संयन्त्र गठन गर्नेबारे चलाइएको बहस सान्दर्भिक नरहेको भन्दै देउवाले राजनीतिक संयन्त्र गठनमा अनावश्यक झमेला गर्न नहुने बताए।

प्रेस युनियनले बिहीबार घोराहीमा आयोजना गरेको पत्रकार भेटघाटमा बोल्दै देउवाले एमाओवादी नेता बाबुराम भट्टराई र माओवादी अध्यक्ष मोहन बैद्यलाई पक्रनु पर्ने कुनै कारण नभएको बताएका छन् ।

गल्ती गर्नेहरुलाई मात्र कानूनले समाउने उल्लेख गर्दै देउवाले जेल बस्न मन नै भए जेल जान भट्टराई र बैद्यलाई चुनौती दिए ।