आफ्नै छोरी बलात्कार गर्नेलाई २२ वर्ष जेल सजाय

बनेपा- सुस्त मनस्थिति भएकी आफ्नी छोरीलाई बलात्कार गर्ने बुबाले २२ वर्ष लामो कारावास सजाय भोग्नुपर्ने भएको छ ।

काभ्रेको पात्लखेत गाविस–८ बस्ने कृष्णबहादुर तामाङले यस्तो अपराध गरेको प्रमाणित भएपछि काभ्रे जिल्ला अदालतले उसलाई जेल सजाय दिने फैसला गरेको हो ।

अदालतले जर्बजस्ती करणी महलको ३ (५) बमोजिम सात वर्ष, सो महलको ३(ङ) बमोजिम सुस्त मनस्थितिलाई करणी गरेकाले थप पाँच वर्ष र हाडनाता पर्ने छोरीलाई करणी गरेकाले करणी महलको १ र जर्बजस्ती करणीको २ नं बमोजिम १० वर्षसहित २२ वर्ष सजाय भएको अदालतका श्रेस्तेदार हिरण्यप्रसाद भण्डारीले जानकारी दिए।

२०६९ चैत १० गते भएको सो घटनापछि प्रहरीले तामाङविरुद्ध २०७० वैशाख ५ गते अदातलमा जर्बजस्ती करणीको मुद्दा दायर गरेको थियो ।