केन्द्रीय कारागार अब नुवाकोटमा

काठमाडौं- काठमाडौंको सुन्धारास्थित केन्द्रीय कारागार अब नुवाकोट सर्ने भएको छ ।

सरकारले काठमाडौंको सुन्धारामा रहेको केन्द्रीय कारागारलाई नुवाकोटको विदुरमा सार्ने निर्णय गरेको छ । जति सक्दो छिटो भौतिक संरचनाको निर्माणपछि कारागार त्यहाँ सारिने छ ।

गृहमन्त्रालयको उक्त प्रस्तावलाई बिहीबार बसेको मन्त्रिपरिषद् बैठकले स्विकृत गरेको हो । अहिले रहेको केन्द्रीय कारागार जिर्ण र असुरक्षित बन्दै गएको भन्दै सार्नपर्ने सुझाव यसअघि गठन भएका विभिन्न समितिले दिएको थियो ।

त्यस्तै सचिवमा बढुवा भएका प्रभाकर पाठकलाई प्रधानमन्त्री तथा मन्त्रिपरिषद्को कार्यालयमा पदस्थापना गरिएको छ ।