भट्टराईविरुद्धको रिट खारेज

काठमाडौं- द्वन्द्वकालमा जिउँदै खाल्डोमा परि हत्या गरिएका दैलेखका पत्रकार डेकेन्द्र थापाको हत्याको अनुसन्धान प्रक्रिया अघि नबढाउन महान्यायाधीवक्ताको आदेशविरुद्ध परेको रिट सर्वोच्च अदालतले खारेज गरेको छ ।

न्यायाधीश रामकुमार प्रसाद साह र ज्ञानेन्द्रबहादुर कार्कीको इजलासले तत्कालिन प्रधानमन्त्री डा. बाबुराम भट्टराई, तत्कालिन महान्यायाधीवक्ता मुक्ति प्रधानलगायतविरुद्ध परेको रिट खारेज गरेको हो ।

अदालतको आदेशमा सर्वोच्चको अन्तरिम आदेशबाट फौजदारी न्याय प्रणाली प्रभावी भइसकेको भन्दै अनुसन्धान प्रक्रियाका सबै चरण पूरा भइ अदालतमा अभियोगपत्र दायर भइसकेकाले मुद्दाको तथ्य र प्रमाणबाट ठहरे बमोजिम न्याय प्रदान कार्यले पूर्णता पाउने हुँदा रिट निवेदनको प्रयोजन नरहेको उल्लेख छ ।