काठमाडौं– साउन पहिलो सातादेखि राजधानीमा सुरु हुने सातौं विस्तारित बैठकका लागि माओवादी अध्यक्ष पुष्पकमल दाहाल ‘प्रचण्ड’ले राजनीतिक प्रतिवेदन लेखिरहेका छन् ।लाजिम्पाटस्थित आफ्नै निवासमा प्रचण्डले विस्तारित बैठकमा पेश गर्ने प्रतिवेदन लेखिरहेका हुन् । प्रतिवेदन लेख्न कृष्णबहादुर महरा, अग्नि सापकोटा, हरिबोल गजुरेललगायतका नेताहरुले सहयोग गरिरहेका छन् ।
‘अध्यक्ष घरमै राजनीतिक प्रतिवेदन लेखिरहनुभएको छ,’ गजुरेलले भने, ‘एक दुई दिनमै सक्नुहुन्छ ।’ प्रतिवेदन लेखन सकिएपछि प्रचण्डले उपाध्यक्ष बाबुराम भट्टराई, नारायणकाजी श्रेष्ठलगायतका नेताहरुसँग छलफल गर्नेछन् ।
स्रोतका अनुसार प्रतिवेदनमा वैद्यले गुटका कारण पार्टी कमजोर भएको भन्दै गुट अन्त्यको प्रस्ताव गरेका छन् । उपाध्यक्ष मोहन वैद्य समूह लामो समय गुट चलाएर बिदा भएको प्रसंग कोट्याउँदै प्रचण्डले पार्टी कमजोर बनाउने गुट अन्त्य गर्नु नै उचित हुने उल्लेख गरेका छन् । ***
