
सो संस्थाका अनुसार सुत्केरी हुँदा हुने संक्रमण वा रोगका कारण करिब १० लाख किशोरीको मृत्यु हुने गर्छ । यो समस्याको सबैभन्दा ठूलो कारण गर्भनिरोधक औषधीसम्म उनीहरूको पहुंच नहनुलाई मानिएको छ । संसारका निकै धेरै मुलुकमा बाल विवाह वा किशोरी विवाह सामान्य छ । विवाहपछि उनीहरू गर्भवती हुन्छन्, तर शारीरिक रूपमा उनीहरू सन्तान जन्माउन तयार हुँदैनन् ।
लाइबेरियाको एउटा गरिब क्षेत्रको क्लिनिकमा सुत्केरी गराउन आउने किशोरीको उमेर १५ देखि १९ वर्षको बीचमा हुन्छ । केही त १३ वर्षका समेत छन् । सेभ द चिल्ड्रेनका प्रोजेक्ट म्यानेजर जर्ज किजानाकाअनुसार कम उमेरमा आमा बन्ने किशोरीमा विभिन्न प्रकारका चिकित्सकीय जटिलता देखा पर्छ ।
‘किशोरीको शरीर सन्तान जन्माउन सक्षम हुन आमाको उमेर १८ वर्षभन्दा कम भयो भने आमा र बच्चाको स्वास्थ्यमा प्रतिकूल प्रभाव पर्छ,’ उनले भने । रिपोर्टका अनुसार विकासशील मुलुकमा ४० प्रतिशत जन्म इच्छाविनै हुन्छ । कहिले गर्भधारण गर्ने र कहिले बच्चा पाउने भन्ने निर्णय गर्ने लाखौं महिला परिवार नियोजनको सुविधाबाट वञ्चित छन् । ***