काठमाडौं – बिक्रीवितरणका लागि ल्याइएको भालुको पित्त सहित प्रहरीले तीनजनालाई प्रहरीले राजधानीमा पक्राउ गरेको छ ।
राजधानीको गोंगबुस्थित लमजुङ थकाली गेस्ट हासमा लुकाएर राखिएको एक सय ८५ ग्राम भालुको पित्तसहित उनीहरुलाई प्रहरीको केन्द्रिय अनुसन्धान ब्यूरोले बिहीबार नियन्त्रणमा लिएको हो । पक्राउ पर्नेमा लमजुङ डोढेनीका कुमार लामा बाँझखेतका दीपक लामाङ र ट्रेकिङ काम गर्ने ओखलढुंगा पातलेका सूर्यबहादुर तामाङ रहेका छन् ।
दुर्लभ बन्यजन्तु तथा बनस्पतीको ब्यापार नियमन र नियन्त्रण गर्ने महासन्धिको अनुसूचीमा भालुसमेत परेकाले यस्ता बन्यजन्तुको अंगप्रत्यंगको बिक्री गर्नु भनेको गैरकानूनी हो । यस्ता अंगप्रत्यंगको कारोबार गर्ने तथा तस्कर गर्नलाई प्रहरीले खोजी गर्ने गर्छ । पक्राउ पर्ने तीन जनालाई कारबाहीको लागि जिल्ला बन कार्यालय काठमाडौंमा चलानी गरिएको थाहा भएको छ । ***