
परिवारका सबै सदस्यहरुको हत्या गर्ने उदेश्यले आक्रमण भएको हुनसक्ने र यसको कारण भने अहिलेसम्म पत्ता लाग्न नसकेको प्रहरीले जनाएकोछ ।
जलथल-४ का ३४ वर्षीय शोभा मनिपुरे (ठोक्तेन)ले श्रीमती ३० वर्षीया रेभीका र तीन महिने छोरी सुनीताको धारिलो हतियार प्रहार गरी हत्या गरेकेा जिल्ला प्रहरी कार्यालय झापाका प्रमुख एसपी तारणीप्रसाद लम्सालले बताउनु भएकोछ ।
दिउसो साढे ११ वजेतिर घरमै मनिपुरेले श्रीमती र छोराछारीलाई हतियार प्रहार गर्दा छोरीको घट्नास्थलमै र श्रीमतीको उपचारका क्रममा भद्रपुरमा मृत्यु भएकेा प्रहरीले जनाएको छ ।
गम्भिर घाइते छोरा अरुणको भद्रपुर स्थित ओमसाई पाथीभरा अस्पतालमा उपचार भइरहेको छ ।गम्भिर घाइते अरुणको अवस्था पनि चिन्ताजनक रहेको अस्पतालका स्वास्थ्यकर्मीहरुले जनाएकाछन् ।घट्ना लगत्तै मनिपुरे फरार भएका छन् ।श्रीमती रेभीकाको टाउको क्षतबिक्षत रहेको प्रहरीको भनाई रहेकोछ ।
भारतमा वस्दै आएका मनिपुरे दुई महिना अघि जलथलस्थित घर आएको र हत्या किन गरेको भन्ने नखुलेको एसपी लम्सालले जनाउनुभयो । लम्सालले भन्नुभयो ‘घटनाको कारण खुल्न सकेको छैन,हामि घटनाको अनुसन्धानमा जुटेका छौ।’
श्रीमती र छोरीको हत्या गरि फरार भएका मनिपुरेको खोजतलासका लागि प्रहरी खटायएको लम्सालले जानकारी दिनुभयो । मनिपुरेले श्रीमती र छोराछोरीलाई टाउको तथा शरीरभरी धारीलो हतियारले प्रहार गरी क्षतबिक्षत बनाएको पाइएको लम्सालले बताउनुभयो। स्थानीय गाँउलेहरुले हत्याको कारण बारे थाहा नपाएको बताएकाछन् ।