काठमाडौं- करिब साढे ६ बर्ष अघि सात महिनाको उमेरमा कुकुरले टोकेर लिंग गुमाएका प्यूठानका एक बालकको विशेषज्ञ सर्जनहरुले शुक्रबार पुन नयाँ लिंग बनाइदिएका छन् ।सुष्मा कोइराला मेमोरियल हस्पिटलका प्लास्टिक तथा युरो सर्जन टोलीले ती बालकको लिंग लम्वाईसमेत बढ्ने गरी बनाइदिएका हुन् ।
घरमा सुतिरहेको अवस्थामा ती बालकको लिंग कुकुरले पूर्णरुपमा खाइदिएको थियो । बालकका बुबा गिरबहादुर केसीले ज्यान जाने अवस्थामा अस्पतामा पुर्याएर बचाएको बताउनुभयो । बालकको लिंग भने रहेको थिएन । चिकित्सकका अनुसार विगत एक बर्षदेखि उनलाई पिसाब फेर्न समेत अप्ठेरो भईरहेको थियो । कक्षा एकमा अध्ययनरत उनी हालसम्म बसेर मात्र पिसाब फेर्न सक्थे ।
यसरी खाएको थियो लिंग
प्युठान बाँदीकोटका ८ बर्षीय सन्तोष केसी जन्मने बेलामा सामान्य जन्मेका थिए । तर उनि जन्मेको ७ महिनामा उनकी आमा सन्तोषलाई बिहान ओच्छ्यानमा सुताएर घाँसपात गर्न गएको बेला छिमेकीको कुकुरले सन्तोषको लिङ्ग खाइदिए पछी उनी लिंगबिहिन बनेका हुन् | कुकुरले खाइदिएको उनको लिंगको घाउ अहिलेसम्म निको भएको छैन |
अभिभावकले वालकको घाउ निको पार्न मात्रै घरमा भएभरको जग्गा जमिन बन्धक राखेका छन् | तर भारतको लखनउमा डाक्टरहरुलाई देखाउँदा उपचारका लागि करिब १० लाख रुपैयाँ लाग्ने बताएपछि उपचारको माया मारेका छन् ।
‘अलि अलि भएको जग्गा बेचेको पैसा उपचारमा खर्च भइसक्यो’ उपचारका लागि सहयोग जुटाउन सदरमुकाम खलंगा आएकी आमा बिजुलाले भन्नुभयो ‘जसरी भएपनि उपचार त गर्नुपरयो भनेर सहयोग पाउने आशमा हिडेकी हुँ ।’ घाउ निको पार्न भारतको लुधियानामा अपरेशन गराएपनि बालक ठुलो हुँदै जाँदा घाउ भएको ठाउँमा मासु पलाएपछि पिसाब गर्ने प्वाल टालिदै गएको छ ।
यसले वालकलाई पिसाव गर्न समेत समस्या भएको छ । पिसाब गर्ने ठाउँ सानो हुँदै गएकोले बालकले रुँदै पिसाब फेर्ने गर्छन् । एकपटमा पिसाव गर्न आधा घण्टा भन्दा बढी समय लाग्ने, पेट दुख्यो भन्दै कराउने गरेको आमाले बिजुलाले बताउनुभयो । चिकित्सकहरुले सानो उमेर छँदै अपरेसन गराउन सुझाव दिएका छन् । चिकित्सकका अनुसार कृतिम लिंग बनाएर अप्रेशन गरी मिलाउन सकिन्छ । तर त्यसको लागि लाग्ने रकम उनको अभिभावक संग छैन |
