काठमाडौं- नेकपा एमालेका युवा नेता एवं सभासद रवीन्द्र अधिकारीले जातीय आधारमा संघीयता घोषणा गर्दा मुलुक विखण्डनमा जाने दाबी गरे ।आज रिपोर्टर्स क्लब नेपालको साक्षात्कार कार्यक्रममा बोल्दै ‘अब संघीयतालाई अस्वीकार गरेर कहीँ पनि पुगिँदैन,’ उनले भने- तर, एकल जातीय पहिचान भएको संघीयता दुई दिन पनि टिक्न सक्दैन । त्यसले अनावश्यक द्वन्द्व निम्त्याउँछ ।
प्रदेश विभाजनको खिचातानी रहिरहने हो भने संविधान नबन्ने उनले ठोकुवा गरे । ‘अब एकल जातिको प्रदेश सम्भव छैन’ उनले भने- एमाले बहुपहिचान भएको ११ प्रदेशको खाकामा छलफल चलाउन तयार छ ।
