सोमबार, जेठ १४, २०८१
Monday, May 27, 2024
टोकियो–हत्या अभियोगमा प्रन्ध वर्षदेखि जापानमा बन्दी जीवन बिताइरहेका इलामका गोविन्दप्रसाद मैनाली निर्दोष साबित हुने सम्भावना बढेको छ ।
घटनास्थलबाट संकलन गरिएका ४२ वटा प्रमाणको डिएनए परीक्षण गर्दा कुनै पनि गोविन्दसँग मेल खाएन । उनलाई ढिलोचाँडो निर्दोष घोषणा गरी नेपाल फर्काइनेछ भन्नेमा नेपालमा रहेको उनको परिवार ढुक्क छ ।
टोकियो इलेक्ट्रोनिक पावर कम्पनीमा काम गर्ने एक जापानी महिलाको हत्या आरोपमा टोकियो उच्च न्यायलयले गोविन्दलाई आजीवन कारावास सजाय सुनाएको थियो ।
संकलन गरेका सबै प्रमाणको डिएनए परीक्षणले गोविन्द घटनामा संलग्न नभएको प्रष्ट पारेको छ । डिएनए परीक्षण यहि सोमबार टोकियो उच्च न्यायालयलाई बुझाइएको थियो । टोकियोको ओसाका विश्वविद्यालयका प्राध्यापक डा. सुजुकीले डिएनए परीक्षण गरी प्रतिवेदन अदालतलाई बुझाएका हुन् ।
सन् १९९७ मा ३९ वर्षीया जापानी महिला यासुको वाटानाबीको लुटपाटपछि हत्या गरेको आरोपमा टोकियो उच्च न्यायालयले गोविन्दलाई २००० डिसेम्बरमा दोषी ठहर गर्दै आजीवन काराबास सजाय सुनाएको थियो ।
तपाईको प्रतिक्रिया