मुम्बई– बलिउड अभिनेत्री ऐश्वर्या राय बच्चनको नाममा उत्तर प्रदेश (युपी) मा एक महिला कलेज स्थापना हुने भएको छ । ससुरा अभिनेता अमिताभ बच्चनले कलेज निर्माण गर्न लागेका हुन् ।अमिताभ बच्चन कर्पोरेसन लिमिटेडका कर्मचारीले भारतको एक दैनिक पत्रिकालाई दिएको जानकारी अनुसार युपीको दौलतपुर गाविसले भर्खरै गठन गरिएको संस्था अमिताभ बच्चन सेवा समितिलाई जग्गा हस्तान्तरण गरिसकेको छ ।
सुरुमा नर्सरी देखि कक्षा १२ सम्म पढाई हुने कलेजलाई डिग्रीसम्म पु¥याइने लक्ष्य छ । अमिताभले दौलतपुर गाउँमा सन् २००८ जनवरी २७ मै ऐश्वर्या राय कलेजको शिलान्यास गरेका थिए ।
