मुम्बई- नेपाली व्यवसायी सम्राट् दाहालसँग लगभग सम्बन्ध विच्छेदको अवस्थामा पुगेकी अभिनेत्री मनीषा कोइराला दुई बच्चाकी आमा बन्ने सुन्दा अचम्म लाग्यो होला ।तर यो वास्तविक जीवनमा होइन, रामगोपाल बर्माले बनाउन लागेको एक हरर फिल्ममा उनी दुई बच्चाकी आमा बन्नेछिन् । क्रेज घटिसकेकी मनीषालाई बर्माले आफ्नो चलचित्रमा लिने साहस गर्नु बलिउडमा नौलो विषय बन्न पुगेको एजेन्सीले उल्लेख गरेको छ । उक्त फिल्ममा मनीषालाई भूतको रोल दिइएको अड्कल काटिएको छ ।
तर, बर्माले भने मनीषालाई भूतको रोलमा नभई दुईटी बच्चाकी आमाको भूमिकामा उतार्ने बताएका छन् । मनीषा र बर्मा दस वर्षपहिले एउटै फिल्म कम्पनीमा काम गर्थे । विश्लेषकले मनीषाको फिल्मी करियर अन्त्य भएको भन्दै गरेको तात्तातो विश्लेषण सेलाउन नपाउँदै उनी फेरि बलिउडमा हामफाल्न लागेकी हुन् ।
