काठमाडौ- राष्ट्रिय जनशक्ति पार्टीका अध्यक्ष सूर्यबहादुर थापाले दलहरु संविधान किस्ताबन्दीमा जारी गर्ने तयारीमा लागेको खुलासा गरेका छन् । उनले दलहरु पछिल्लो समयमा संघीयता विहीन संविधान जारी गर्ने पक्षमा तयारीमा जुटेको बताए ।अध्यक्ष थापाले दलहरु संविधान निर्माणको क्रममा केही समय अपुग भए संविधान सभाको म्याद थप्ने निष्कर्समा पुगेको दावी गर्दै त्यसले मुलुकमा ब्यवस्थापिका, कार्यपालिका र न्यायपालिका वीच गंभिर द्धन्द्ध बढाउने चेतावनी दिए ।
नेपालमा संसदीय ब्यवस्थाको विकल्प नभएको भन्दै संसदले चुन्ने कार्यकारी प्रधानमन्त्री बाहेकको ब्यवस्था नेपालमा स्विकार्य हुनै नसक्ने ठोकुवा गरे । उनले प्रत्यक्ष निर्वाचित कार्यकारी हुने ब्यवस्थाले मुलुकमा तानाशाही हावी हुने चेतावनी दिदै त्यस्तो ब्यवस्थाले जनवाद, समाजवाद केही पनि ल्याउन नसक्ने ठोकुवा गरे ।
अध्यक्ष थापाले सेना समायोजनको बटमलाईन सात बुादे सहमति भएको भन्दै कोही पनि सो सम्झौताबाट अलिकति पनि तलमाथि नगर्ने स्पष्ट पारे । उनले माओवादीले समायोजनमा माथिल्लो पद मागेको प्रति आक्रोस ब्यक्त गर्दै थापाले भने-नेपाली सेना माओवादीको विर्ता हो भन्ने वित्तिकै कर्णेल र जर्नेल पाउने , मापदण्ड पुरा गरेर बाहेक केही पाईदैन ।
शान्ति र संविधानमा माओवादी सहमत हुन नसके मुलुकमा जे पनि हुन सक्ने चेतावनी दिदै थापाले बृहद प्रजातान्त्रिक गठबन्धन निर्माण नगरी नेपालमा बास्तविक शान्ति स्थापना र संविधान निर्माण हुनै नसक्ने ठोकुवा गरे ।
उनले आगामी जेठ १४ गतेले मुलुकमा समाधान ल्याउने दावी समेत अन्र्तवार्ताको क्रममा गरेका थिए ।
