काठमाडौ- कालिमाटीस्थित फलफूल तथा तरकारी बजारमा फागुन २० गते राति भएको आगलागीमा परी मृत्यु भएका मृतकका आफन्तले अझै शव बुझ्न मानेका छैनन् ।मृतकका आफन्तले उचित क्षतिपूर्तिको माग गरेपछि हप्ता दिनसम्म पनि त्रिभुवन शिक्षण अस्पताल महाराजगन्जबाट शव उठ्न नसकेको हो ।
कालिमाटी फलफूल तथा तरकारी बजार विकास समिति र मृतकका आफन्तबीच क्षतिपूर्तिका बारेमा पटकपटक भएको द्विपक्षीय वार्तामा मृतकका आफन्तले राज्यले उचित क्षतिपूर्तिको व्यवस्था नगरेसम्म शव नउठाउने बताउँदै आएका छन् ।
