काठमाडौं- ठेक्काको कमिसन माग्दै काभ्रेका एक युवाले आफ्नै भिनाजुको अपहरण गरेका छन् ।आफूले माग गरेबमोजिम ठेक्काको १० प्रतिशत रकम कमिशन नदिएपछि काभ्रेको सानो बल्थली गाविसका २६ वर्षीय नवराज पराजुलीले आफ्नै भिनाजु अनिरुद्र गौतमको अपहरण गरेका हुन् ।
अनिरुद्र निर्माण व्यवसायी हुन् ।
पराजुलीले मंगलबार साँझ ९ लाख ३० हजार रकम माग गर्दै काभ्रेको धुसेनी शिवालय ८ बाट भिनाजु दीपक भनिने अनिरुद्रलाई अपहरण गरेका हुन् । अपहरण गरेर दोलालघाटतर्फ लैजाँदै गरेको अवस्थामा पक्राउ परेपछि सालाले भिनाजुको अपहरण गरेको तथ्य खुलेको हो ।
प्रहरीले गौतमलाई अपहरण गर्नमा संलग्न साला पराजुली सँगै ६ युवालाई पक्राउ गरेको छ ।
