काठमाडौं- श्रीमान् तथा फिल्म निर्माता छवि ओझासँगको सम्बन्ध बिग्रिएको सार्वजनिक भइरहेकाबेला नायिका रेखा थापाले त्यसलाई साथ दिएकी छिन् ।एभिन्यूज टेलिभिजनको कार्यक्रम ‘सम्वाद’लाई अन्तर्वार्ता दिंदै उनले आफू अहिलेसम्म श्रीमती नै नभएको दाबी गरिन् । ‘म हिजो पनि सुश्री थिएँ, आज पनि छु र भोलि पनि,’ उनले कुटनीतिक जवाफ दिइन्, ‘पुरुष संधै श्रीमान् हुने महिला चाँही विहे गरेपछि श्रीमती ? ।’
उनले छविसँगको सम्बन्धबारे खुलाइनन् । तर यति भनिन्, ‘अहिले हामी सँगै छौं, पछिको कुरा म भन्न सक्दिन ।’ उनले अघिल्ला अन्तर्वार्ताजस्तो छविसँगको सम्बन्ध राम्रो रहेको बताउन चाहिनन् ।
तार्किक नायिका रेखाले आफ्नो सम्बन्ध माओवादी अध्यक्ष प्रचण्ड र बाबुराम भट्टराईसँग समान रहेको धारणा राखिन् । माधवकुमार नेपाल सरकार ढाल्न भद्रकालीमा प्रचण्डसँग नाचेकी उनले त्यसमा भने आत्मालोचना गरिन् । ‘उहाँ सिम्पल हुनुहुँदोरहेछ, जानिनजाति गल्ति भयो,’ उनले भनिन् ।
