काठमाडौं– राजधानीमा ग्यास अभाव यति चरम विन्दुमा पुगेको छ कि सत्तारुढ माओवादीका बरिष्ठ उपाध्यक्ष मोहन वैद्यको घरमा पनि दुई दिन खाना पाकेन ।उनीपक्षीय नेता हितमान शाक्यले संसदीय समितिमा जानकारी दिएपछि ग्यास विक्रेता महासंघका महासचिव महेश्वर श्रेष्ठले एक सिलिण्डर ग्यास पठाएका छन् । ‘बल्ल बल्ल एक सिलिण्डर पठाइएछ,’ शाक्यले भने, ‘तर कति दिन धान्ला र ?’
अर्को सत्तारुढ मधेसी जनअधिकार फोरम (गणतान्त्रिक)का नेता अकवाल अहमद साहले पनि ग्यास अभावमा बच्चालाई चिया बिस्कुट होटलमै खुवाउन थालेका छन् ।
ग्यासमा ‘सर्टेज’ भएको भन्दै होटलहरुले पनि चिया खाजामा १० देखि ३० प्रतिशत भाउ बढाएका छन् ।
