कञ्चनपुर- नेकपा (एमाले)का सचिव शङ्कर पोखरेलले शान्ति र सविधान निर्माणको मुख्य बाधक माओवादी भएको आरोप लगाएका छन् । एमाले कञ्चनपुरद्वारा पार्टी कार्यालय भीमदत्तनगरमा आयोजित कार्यकर्ता प्रशिक्षणमा नेता पोखरेलले शान्ति र संविधान निर्माण प्रक्रियामा ढिलाइ हुनुको कारण माओवादीभित्रको आन्तरिक द्वन्द्व रहेको बताए ।“माओवादीले लडाकुहरुलाई राजनीतिक स्वार्थका लागि प्रयोग गर्नु गलत हो” उनले भने – “सेना समायोजनमा सङ्ख्या र दर्जाको बारे विवाद गर्नु शान्ति प्रक्रियालाई बिथोल्न खोज्नु हो ।”
सचिव पोखरेलले शान्ति प्रक्रिया तार्किक निष्कर्षमा पुर्याउन राष्ट्रिय सहमतिको सरकार बन्नुपर्नेमा जोड दिए ।
शासकीयस्वरुपमा विषयमा एमालेले मिश्रित प्रणालीको प्रस्ताव राखेको जानकारी गराउँदै उनले शक्तिको केन्द्रीकरण र राजनीतिक अस्थिरताले तानाशाह जन्मिने बताए ।
