बिहिबार, फाल्गुण १७, २०८०
Thursday, February 29, 2024
विराटनगर– प्रहरी सहायक निरीक्षक (असई) मा लगाईदिने भन्दै रकम असुल्ने मधेसी मुक्ति टाईगरका मोरङ सचिव सहित एक महिलालाई प्रहरीले विराटनगरबाट पक्राउ गरेको छ ।
पक्राउ परेका दुवै जनालाई जिल्ला प्रहरी कार्यालयले विहिबार पत्रकार सम्मेलनको आयोजना गरेर सार्वजनिक गरेको छ । पक्राउ पर्नेहरुमा जिल्लाको कटहरी गाविस ५ घर भएका मधेसी मुक्ति टाइगरका जिल्ला सचिव रंजित पौदार र हात्तिमुढा ९ की ग्रामिण महिला उत्थान केन्द्रकी अध्यक्ष संयुक्ता चौधरी (मल्लिक) छन् ।
उनीहरुले प्रहरीको असईमा लगाइदिने भन्दै शिशवनीजहदा ७ का विभाष प्रसाद सिंह र कटहरी ५ का तिर्थ पौदारसँग रकम असुलेको प्रहरीले जनाएको छ । तिर्थ रंजितका भाइ हुन् । तिर्थको सहयोगमा रंजितले विभाष संग पैसा असुलेको बताइएको छ । उनले आफ्नो भाईको रकम समेत विभाषबाट असुल्न एक जनाको दुई लाख रुपैयाँ लाग्छ भनेको प्रहरीले जनाएको छ । २०६७ साल फागनु १ गते खुलेको प्रहरी सहायक निरीक्षक पदको आवेदनका क्रममा रकम असुलेको प्रहरीको दावी छ ।

तपाईको प्रतिक्रिया