काठमाडौं– ‘डिभोर्स’ हुन लागेको भन्दै मिडियाहरुले हल्ला चलाएपछि चिन्तित नायिका रेखा थापाले आफू त्यसको पक्षमा नभएको बताएकी छिन् ।चलचित्र ‘लङ्का’को सुटिङका लागि सर्लाहीमा रहेकी नायिका रेखाले मिडियामा चलेका हल्लाबारे राजधानीमा आएपछि स्पष्ट पार्ने बताइन् । ‘मिडियामा त जे पनि आउँछ नि,’ शनिबार राति उनले भनिन्, ‘म काठमाडौं फर्केपछि स्पष्ट पार्छु ।’
आफूभन्दा दोब्बर उमेरका छवि ओझासँग विवाह गरेकी रेखाले आफू मानसिक तनावमा रहेकी बताइन् । छविले पनि आफूहरु सम्बन्ध विच्छेद गर्ने मुडमा नभएको बताए ।
रेखा छविकी दोस्रो श्रीमती हुन् । जेठी श्रीमतीबाट सन्तान भए पनि रेखाले सन्तान जन्माउन मानेकी छैनन् ।
