काठमाडौं– अचानक बिरामी परेपछि नर्भिक अस्पताल भर्ना गरिएका पूर्वप्रधानमन्त्री एवम् राष्ट्रिय जनशक्ति पार्टीका अध्यक्ष सुर्यबहादुर थापालाई बुधबार डिस्चार्ज गरिएको छ ।
उहाँको स्वास्थ्यमा पूर्ण रुपमा सुधार भइसकेकाले डिस्चार्ज गरिएको अस्पतालले जनाएको छ । अचानक अस्वस्थ भएपछि उहाँलाई गत सोमबार साँझ राजधानीको थापाथलीस्थित नर्भिक अस्पतालमा भर्ना गरिएको थियो ।
८५ वर्षीय पूर्वप्रधानमन्त्री थापालाई उच्च रक्तचाप र छटपटी भएको उहाँका सहयोगी किरण गिरीले जानकारी दिनुभयो । थापाको पुनः स्वास्थ्य परीक्षण गरी डिस्चार्ज गरिएको उहाँले बताउनुभयो ।