बिहिबार, फाल्गुण १०, २०८०
Thursday, February 22, 2024
विराटनगर– मोरङ जिल्ला अदालत परिसरमा अभियुक्त अभिषेक गिरीमाथी आक्रमण गरेको अभियोगमा ज्यान मुद्दामा मोरङ कारागारमा थुनामा रहेका मुकेश बुढाथोकी र देवानन्द यादव साधारण तारेखमा छुटेका छन् ।
बुढाथोकी र यादवलाई पुनरावेदन अदालत विराटनगरका न्यायधिस देवेन्द्रगोपाल श्रेष्ठको एकल इजलाशले शुक्रवार साधारण तारेखमा छोड्न आदेश दिएको  हो ।
न्यायधिस श्रेष्ठको आदेशपछि करिव ५ महिनादेखि थुनामा रहेका बुढाथोकी र यादव शुक्रवार अपरान्ह मोरङ कारागारवाट मुक्त भएका छन् ।
बुढाथोकी र यादव जिल्ला अदालत मोरङ प­रिसरमा जेठ १८ गते बन्दी गिरीलाई पेशीमा ल्याउंदै गर्दा सांघातिक आक्रमण गरेको अभियोगमा ज्यान मुद्दा खेपिरहेका थिए । उनिहरुलाई जिल्ला अदालतले उनिहरुलाई कारागार सजाय तोकेको थियो ।
गिरीमाथी आक्रमण गरेको अभियोगमा प्रहरीले सोहि दिन घटनास्थलवाटै उनिहरुलाई पक्राउ गरेको भएपनि आक्रमणको क्रममा प्रहरी संगको झडपमा बुढाथोकी र यादव गम्भिर घाइते भएकोले उनिहरुलाई करिव दुई महिना विराट नर्सिङ होममा उपचारका लागी प्रहरी घेरामा राखिएको थियो ।
बन्दीमाथि सांघातिक आक्रमणमा संलग्न युथफोर्स मोरङका इन्चार्ज पर्शुराम बस्नेत सहित १७ जनाविरुद्व पीडित पक्षबाट अभिषेक गिरीकी पत्नी अनिशा गिरीले ज्यान मुद्दा दायर गरेकी थिइन् । आक्रमणपछि फरार रहेका बस्नेतसहितका अन्य अभियुक्तहरुको मोरङ प्रहरीले खोजी गरीरहेको जनाएको छ ।
जिल्ला अदालतले ज्यान मार्ने उद्योगमा कैद तोकेपछि बुढाथोकी र यादवले पुनरावदेन गरेका थिए ।
यता पीडितकी पत्नी अनिशाले भने पुनरावेदन अदालतले गरेको फैसला चित्त नबुझेकोले फैसला विरुद्ध आफु न्यायपरिषद्मा उजुरी दिने बताएकी छन् ।

तपाईको प्रतिक्रिया