बुधबार, फाल्गुण ०९, २०८०
Wednesday, February 21, 2024
काठमाडौं– चिनियाँ राजदुत याङ होउलानले आर्थिक मामिलामा महत्त्वपूर्ण निर्णय गर्नुपरेकाले चिनियाँ प्रधानमन्त्री बेन जियाबाओको नेपाल भ्रमण स्थगित भएको बताएका छन् ।
प्रधानमन्त्री निवास बालुवाटारमा बिहीबार बिहान भएको भेटमा राजदुत होउलानले चिनियाँ प्रधानमन्त्री बेन जियाबाओको नेपाल भ्रमण स्थगित हुनुको कारणबारे स्पष्ट पारेका हुन् । उनले चिनियाँ प्रधानमन्त्रीको नेपाल भ्रमण आफ्नै देशको आन्तरिक कारणले स्थगित गर्नु परेको भन्दै सञ्चार माध्यममा आएका सबै तथ्य सत्य नभएको पनि स्पष्ट पारे ।
आर्थिक वर्ष सकिन लागेकोले यो महिनाभित्र आर्थिक मामिलाका विषयमा महत्वपूर्ण निर्णय लिनुपर्ने भएकोले चिनियाँ प्रधानमन्त्रीको म्यानमार र नेपालको भ्रमण एकसाथ स्थगित भएको राजदुत होउलानले स्पष्ट पारे । उनले दुवै देशलाई उपयुक्त हुने समय पारेर भ्रमण मिति तय गरिने पनि जानकारी गराए ।

तपाईको प्रतिक्रिया