काठमाडौं– स्वर साम्राट नारायण गोपालको सोमबार २१ औं स्मृति दिवस गीत संगीत सम्बद्ध संघसंस्थाले बिभिन्न कार्यक्रम गरी मनाउँदैछन् ।स्मृति दिवसकै अवसरमा नारायण गोपाल कोषको प्राङ्गण मिलीजुली टोल महाराजगञ्जमा एक कार्यक्रमको आयोजना गरिएको छ । नेपाली गीत संगीतका पर्याय स्वर सम्राट नारायण गोपालको २०४७ साल मंसिर ८ गते ५१ बर्षको उमेरमा निधन भएको थियो । १९९६ असोज १८ गते काठमांडौमा जन्मनुभएका स्वर सम्राट नारायण गोपालले ५ सय गितमा स्वर दिनका साथै भने २ वटा गिती एल्वम सार्वजनिक गर्नुभएको थियो ।
बि.स २०२३ सालमा रेडियो नेपालद्धारा आयोजित राष्ट्रिय प्रतियोगितामा उत्कृष्ट संगीतकार तथा २०२४ सालमा आयोजित प्रतियोगितामा उत्कृष्ट गायकको उपाधि जित्नुभएका स्वर सम्राट गोपालका स्वरलाई आजको युवा पुस्ताले पनि खुवै रुचाएका छन् ।
