शुक्रबार, आषाढ ०१, २०८१
Friday, June 14, 2024

टोकियो –  कारोवार दैनिकका समाचार सम्पादक एवं युवा पत्रकार बिजयबाबु खत्रीको हालै सवारी दुर्घटनामा परि परी भएको असामयिक निधनप्रति गैरआवासीय नेपाली संघ जापानले एक शोक बिज्ञप्ती प्रकाशित गरी गहिरो दुख ब्यक्त गरेको छ ।
बिज्ञप्तीमा, पत्रकार खत्रीको गत १२ मंसिर २०६८ तदअनुरुप सन् २०११ नोभेम्वर २८ सोमबारका दिन रुपन्देहीको सालझण्डी भन्ने ठाउमा कार दुर्घटनामा परी ३५ बर्षको उमेरमा असामायिक निधन भएको दु:खद खवरले गैरआवासीय नेपाली संघ जापान स्तब्ध भएको छ र दिवंगत आत्माको चिरशान्तिको कामना गर्दै शोक सन्तप्त परिवारजनप्रति हार्दिक समवेदना ब्यक्त गरिएको छ। उक्त कुरा संघको तर्फबाट प्रवक्ता शरदकुमार गौचनद्वारा प्रेषित बिज्ञप्तीमा जनाईएको छ ।

बिज्ञप्तीमा अगाडि भनिएको छ – कर्मठ युवा पत्रकार तथा संघका परममित्र स्व. खत्रीले गैरआवासीय नेपाली संघ, जापानको २००६ मा सम्पन्न पहिलो अधिवेशनमा समेत सहभागिता जनाई  सम्मेलनको समाचार संप्रेषण कार्यमा ठूलो मद्दत पुरयाउनुभएको थियो । एनआरएनको स्थापना कालदेखिनै यस अभियानमा महत्वपूर्ण योगदान दिदै आउनुभएका स्व. खत्री बिश्वका आधा दर्जन भन्दा बढि देशमा आयोजित गैरआवासीय नेपाली संघको क्षेत्रीय, राष्ट्रिय र अन्तरराष्ट्रिय सम्मेलनहरुमा सहभागि भएर संघले उठाएका मुद्धाहरुलाई सु-सुचित गर्ने एवं  समाचार संप्रेषण गर्ने, लेखहरुको प्रकाशन गर्ने, दस्तावेजहरु तयार गर्ने तथा अभिलेख राख्ने कार्यमा उहाँको अहम भूमिका रहेको थियो । स्व. खत्रीले पत्रकारिताको सुरुवात देखि नै बैदेशिक रोजगार, श्रम र गैर-आवासीय नेपालीहरुका बिषयहरुमा कलम चलाउदै आउनु भएकाले पनि गैरआवासीय नेपाली संघलाई अपुरणीय क्षति पुगेको छ भने देशले एक कर्मठ एवं होनहार युवा पत्रकार गुमाएको छ – बिज्ञप्तीमा उल्लेख छ  ।

तपाईको प्रतिक्रिया