मंगलबार, आषाढ ०४, २०८१
Tuesday, June 18, 2024

काठमाडौ – दुई वर्षको लागि भनेर गठन भएको संविधानसभाको म्याद थप गर्ने क्रममा आज चौथौ पटक ६ महिनाका लागि फेरी थप गरिएको छ ।

व्यवस्थापिका संसद्को आजको बैठकले अन्तरिम संविधानको ११ औं पटक संशोधन गरेर संविधानसभाको म्याद छ महिना थप गरेको हो

नेपाल सरकारका तर्फबाट उर्जामन्त्री पोष्टबहादुर बोगटीले प्रस्तुत गर्नुभएको अन्तरिम संविधान ११ औं संशोधन विधेयक संसद्मा बहुमतले पारित गरेको हो ।

संविधान संशोधनको प्रस्तावमा कुल पाँचसय आठ सदस्यमध्ये पाँचसय पाँच सदस्यले संविधान संशोधनको पक्षमा मतदान गरेका थिए । यस्तै विपक्षीमा तीन सदस्यले मतदान गरेका थिए ।

मतदानमा नेकपा एमालेका सभाषद् माधबकुमार नेपाल निर्धारित समयमा संबिधानसभा बैठकमा पुग्न नसकेपछि भित्र बैठक बसिरहेको समयमा संबिधानसभा भवनको ढोका बसिरहनु भएको थियो ।

अन्तरिम संविधान २०६३ को धारा ६४ मा संविधानसभाको म्याद संविधानसभा वैठक बसेको मितिले दुई बर्षको हुने भनिएपनि तोकिएको समयमा संविधान जारी हुन नसकेपछि दलहरुले पटक–पटक अन्तरिम संविधान संशोधन गदै संविधानसभाको म्याद थप गदै आएका छन् ।

संविधानसभाको म्याद थपका लागि अन्तरिम संविधान चौथौ पटक संशोधन गरिएको हो । म्याद थपसँगै संविधानसभाको कार्यकाल चार बर्षको भएको छ ।

तपाईको प्रतिक्रिया