Deneme Bonusu Veren Siteler
बुधबार, साउन ०९, २०८१
Wednesday, July 24, 2024

काठमाडौँ – कैलालीको तालबन्दमा रहेको सातौं डिभिजनबाहेक अन्य ६ वटा शिविरमा आजबाट माओवादी जनसेनाको पुनवर्गिकरण कार्य सकिँदै छ ।

कैलालीमा रहेका जनसेनालाई तालबन्दमा एकिकृत गर्ने भएको ढिलाई कारण भोलिसम्म लाग्ने भएको छ ।

सातौ डिभिजन अन्तर्गत रहेका तीनहजार तीन सय १० जनसेना मध्ये आज बिहानसम्म १८ सयको पुन वर्गीकरण कार्य सकिसकेको पुनवर्गीकरण टोली जनाएको छ ।

गएको ३ मंसिरदेखि सुरु भएको माओवादी सेनाको जनसेनाहरुको पुर्नवर्गीकरण कार्य शुरु भएको थियो । जनसेनाको वर्गीकरणमा संलग्न प्राविधिक टोलीलाई विशेष समितिले आजसम्मको समयसीमा दिएको थियो ।

सन्धुलीको दुधौलीस्थित पहिलो डिभिजन, इलामको चुलाचुलीस्थित दोस्रो डिभिजन, चितवनको शक्तिखोरस्थित तेस्रो डिभिजन, नवलपरासीको झ्यालटुङ डाँडास्थित चोथौ डिभिजन, रोल्पाको दहवनस्थित पाचौं डिभिजन र सुर्खेतको दशरथपुरस्थित छैटौं डिभिजनमा आज साँझसम्ममा वर्गीकरणको काम सकिने टोलीले जनाएको हाम्रो सहकर्मीहरुले जनाएका छन ।

सात मुख्य र २८ सहायक शिविरमा गरी अनमनिबाट प्रमाणीकरणमा परेका १९ हजार ६ सय दुई माओवादी जनसेना रहेका छन् ।

अहिले विशेष कारणवश वर्गीकरणमा छुटेका अशक्त तथा सुत्केरी जनसेनाको भने काठमाडौंस्थित विशेष समिति सचिवालयमा वर्गीकरण गर्ने व्यवस्था मिलाईको सचिवालयले जनाएको छ ।

पुनवर्गीकरणको क्रममा अनुपस्थित हुनेको संख्या पनि उल्लेख्य रहेको पाइएको टोली बताएको छ । पुनबर्गीकरणको क्रममा धेरैले समायोजन र त्यसपछि स्वेच्छिक अवकाश रोजेका छन् तर पुर्नस्थापनाको प्याकेज रोज्ने कमैमात्र रहेका छन् ।

तपाईको प्रतिक्रिया