काठमाडौं- राष्ट्रपति डा. रामबरण यादवले राज्य पुर्नसंरचना आयोग गठनबारे चासो राख्नु भएको छ । सोमबार बिहान प्रमूख प्रतिपक्षी नेपाली काँग्रेसका संसदीय दलका नेता रामचन्द्र पौडेलसँगको भेटमा राष्ट्रपति यादवले आयोग गठनका बारेमा चासो राख्नु भएको हो ।राष्ट्रपति यादवले नेता पौडेलसँग आयोग गठनबारे दलहरुबीच भइरहेको छलफलबारे जानकारी लिनुभएको पौडेलले जानकारी दिनुभयो । राष्ट्रपति कार्यालय शीतल निवासमा राष्ट्रपतिसित भएको भेटमा राज्य पुर्नसंरचना आयोग गठन, सात बुँदे सहमति कार्यान्वयन लगायतका विषयमा राष्ट्रपतिले जानकारी लिएको काँग्रेस नेता पौडेलले बताउनुभयो ।
राष्ट्रपतिलाई शान्ति प्रक्रिया, संविधान निर्माण र दलहरुबीच भएका सहमति कार्यान्वयन हुने क्रममा रहेको जानकारी गराएको पौडेलले बताउनुभयो ।
