काठमाडौं- समाजकल्याण परिषदको उपाध्यक्षबाट पूर्वप्रधानमन्त्री झलनाथ खनालका भाइलाई निलम्बन गरेलगत्तै बाबुराम भट्टराई सरकारको मारमा माधव नेपालका भाइ पनि परेका छन् ।दाजु माधवकुमार नेपाल प्रधानमन्त्री हुँदा नियमै मिचेर हङकङको महाबाणिज्यदूत बनेका विनोद उपाध्यायलाई बाबुराम सरकारले सरुवा गरेर सामान्य प्रशासनको जगेडामा पठाएको सार्वजनिक भएको छ ।
बिहीवारको मन्त्रिपरिषद् वैठकले ३१ सहसचिवको सरुवा गर्दा विनोदको पनि सरुवा भएको एक मन्त्रीले जानकारी दिए । प्राविधिक समूहमा रहेका उपाध्यायलाई नियम मिचेर तत्कालीन प्रधानमन्त्री नेपालले हङकङका लागि महाबाणिज्यदूत नियुक्त गरेका थिए ।
विनोद हङकङ गएपछि जनजाति समूदायबाट ठूलो असहयोग व्यहोर्नुपरेको थियो ।
