दुबई – गैर आवासीय नेपाली संघ राष्ट्रिय समन्वय समिति (एनआरएनए एनसीसी) यूएईले बिट डायबेटिज वाल्कथन २०११ मा सहभागीता जनाएको छ ।
डायबेटिज अर्थात् मधुमेह रोगको बारेमा जनचेतना जगाउने उद्देश्यले ल्याण्डमार्क ग्रुपले हिजो शुक्रबार १८ नोभेम्बर २०११ का दिन आयोजना गरेको उक्त वाल्कथनमा करिब १२ हजार व्यक्तिले ३.१ किमी मार्च गरेका थिए । निःशुल्क डायबेटिज परिक्षणसँगै दुबईको ओआसिस सेन्टरबाट सुरु भएको उक्त वाल्कथनमा यूएईमा कार्यरत विभिन्न मुलुकका व्यक्तिहरूमाझ नेपालीहरूको पनि उपस्थिति रहेको थियो ।
यूएईको जनसंख्याको १९.२ प्रतिशत व्यक्ति मधुमेह रोगबाट प्रभावित रहेका छन् । इन्टरनेशनल डायबेटिज फेडेरेशनको रिपोर्टस अनुसार यूएईलगाएत मध्यपूर्व तथा उत्तर अफ्रीका क्षेत्रका टिनेजर र ३० वर्ष मुनिका व्यक्तिहरू डायबेटिजबाट प्रभावितहुने क्रम बढ्दै गएको छ ।
एनआरएनए एनसीसी यूएईका अध्यक्ष चन्द्रबहादुर रोकाहा, महासचिव सन्तोष प्रसाई, सचिव जगत आचार्य, प्रवक्ता निमेष गिरी, सदस्यहरू किशोर घिमिरे, प्रदिप पौडेल, नारायण शर्मा, टुकनारायण जैसी, रमेश श्रेष्ठ, सल्लाहकार रविन्द्र पौडेल, एनआरएनए आइसीसीका मध्यपूर्व सहसंयोजक लोकानाथ सुवेदी, एनआरएन विकास कट्टेल, अर्चना बस्नेत, यशोदा ढकाल, ममता रावत लगाएत अन्य नेपालीहरूले उक्त बिट डायबेटिज वाल्कथन २०११ मा सहभागीता जनाएका थिए ।
