शनिबार, आषाढ ०८, २०८१
Saturday, June 22, 2024
काठमाडौं– ‘नेताहरु संविधान निर्माणमा केन्द्रित हुनुपर्ने भएकाले केन्द्रीय समिति बैठक स्थगित गरिएको छ,’ माओवादी प्रवक्ता दीनानाथ शर्माले मंगलबारको केन्द्रीय समिति बैठकपछि यस्तो बताए पनि भित्रि रहस्य अर्कै रहेको खुलेको छ ।
समुद्रपारि डटकमलाई माओवादीका एक केन्द्रीय सदस्यले खुलासा गरे अनुसार बैठकमा उपाध्यक्ष मोहन वैद्यले गम्भीर धम्की दिएपछि बैठक स्थगित भएको हो । वैद्यले राज्यपुनर्संरचनाका लागि विज्ञ समिति गठन गर्न अन्तरिम संविधान संशोधन गर्न नदिने धम्की दिएपछि बैठक स्थगित भएको हो ।
बैठकमा वैद्यले विज्ञ समिति बनाउन संविधान संशोधनका लागि हुने मतदानमा ‘फ्लोर क्रस’ गर्ने धम्की दिएका छन् । ‘फ्लोर क्रस’ गर्ने नगर्ने विषयमा वैद्य समूहबीच बुधबार बिहान छलफल भएको छ ।
स्रोतका अनुसार सचिव सीपी गजुरेल र देव गुरुङ ‘फ्लोर क्रस’ गर्ने भनाइको विपक्षमा छन् भने महासचिव रामबहादुर थापा र नेता नेत्रविक्रम चन्द भने गर्नुपर्ने पक्षमा छन् ।
‘फ्लोर क्रस’ हुने कि नहुने त्यसका लागि दिउँसो बस्ने संसद् बैठकसम्म कुर्नैपर्ने भएको छ ।
तपाईको प्रतिक्रिया