Deneme Bonusu Veren Siteler
मंगलबार, साउन ०१, २०८१
Tuesday, July 16, 2024

इस्लामावाद – अन्तराष्ट्रिय आतंकारी सञ्जाल अलकायदाका प्रमुख ओसामा विन लादेनलाई लक्षित गरी एओटावादमा गरिएको सैन्य कारबाही सुरु भएको डेढ मिनेटमै लादेन मारिएको दाबी गरिएको छ ।

बिन लादेनको मृत्यु विवरणबारे एक पुस्तक प्रकाशित हुँदैछ । उक्त पुस्तकमा बिन लादेन जुन परिसरमा थिए, त्यहाँ कारबाही सुरु भएको ९० सेकेन्डमै उनी मारिएको दाबी गरिएको हो ।

किताबका लेखक चक फेरर बिन लादेनविरुद्ध सैन्य कारबाही गर्ने अमेरिकी नेभी सिल्स टिम सिक्सका पुर्वअधिकारी हुन् । उनले यस सैन्य कारबाहीमा संलग्न कयौं मानिसको अन्तर्वाता लिएर पुस्तक तयार पारेको दाबी गरेका छन् ।

बेलायतको अंग्रेजी पत्रिका द टेलिग्राफमा चेक फेररको उक्त पुस्तकबारे छापिएको छ । द टेलिग्राफका अनुसार अमेरिकी अधिकारीले पुस्तकमा गरिएका दाबी गलत भएको बताउँदै आएका छन् । द टेलिग्राफका अनुसार चक फेररले भनेका छन्-‘कारबाही सुरु भएको ९० सेकेन्डभित्रै ओसामा बिन लादेन मारिएका थिए । कुनै लामो मुठभेड भएको होइन । लादेनमाथि चार राउन्ड गोली चलाइएको थियो ।’

 

तपाईको प्रतिक्रिया