शुक्रबार, आषाढ ०७, २०८१
Friday, June 21, 2024
काठमाडौं– संवैधानिक समितिको सिंहदरबारमा बसेको बैठकले राज्य पुनःसंरचनाका लागि सुझाव दिन विज्ञहरु सम्मिलित समिति बनाउने संवैधानिक उपसमितिको निर्णयलाई अनुमोदन गरेको छ ।
बैठकपछि नेकपा(एमाले)का अध्यक्ष झलनाथ खनालले बैठकले विज्ञहरु सम्मिलित समिति बनाउने उपसमितिको निर्णय अनुमोदन गरेको जानकारी दिनुभयो ।
 संवैधानिक उपसमितिको बैठकले राज्य पुनःसंरचनाका लागि सुझाव दिन विज्ञहरु सम्मिलित समिति बनाउने सहमति गरेपछि हिजो बसेको मन्त्रिपरिषद् बैठकले सोसम्बन्धी विधेयक संसद सचिवालयमा दर्ता गरेको थियो ।
संवैधानिक समितिको बैठकले गत कात्तिक १५ गते चार दलबीच भएको सातबुँदे सहमतिको स्वागत गरेको छ ।
तपाईको प्रतिक्रिया