टोकियो – नेपाली लोकतान्त्रिक मञ्च (NDF) जापानको आयोजनामा आज टोकियोमा दशैं भेटघाट तथा शुभकामना आदान प्रदान कार्यक्रम सम्पन्न भएको छ ।
कार्यक्रमका प्रमुख अतिथि गोरखापत्रका पूर्व कार्यकारी अध्यक्ष तथा वरिष्ठ पत्रकार विजय चालिसेले सहभागीहरुलाई दशैँको टीका, जमरा तथा आशिर्वाद प्रदान गर्नुका साथै शुभकामना मन्तव्य समेत व्यक्त गर्नुभयो ।
मञ्चकी अध्यक्ष सिर्जना काफ़्लेको सभापतित्वमा भएको सो कार्यक्रममा उपस्थित विभिन्न संघसंस्थाका ब्यक्तित्वहरुले बडा दशैंको शुभकामना मन्तव्य व्यक्त गर्नुभएको थियो ।
कार्यक्रममा संस्थाको बिकासमा विशेष योगदान पुर्याउनुहुने व्यक्तिहरुलाई सम्मान पनि गरियो । सम्मानित व्यक्तित्वहरुमा कृष्ण खड्का, राजकुमार पण्डित, अमर गुरुङ लगायत हुनुहुन्थ्यो । उहांहरुलाई प्रमुख अतिथि चालिसेले खादा ओढाएर सम्मान गर्नुभएको थियो ।
यसअघि आजै भएको मञ्चको टोकियो क्षेत्रिय कमिटीको अधिवेशनले देबिलाल भण्डारीको अध्यक्षतामा नयाँ कार्यसमिति समेत गठन गरेको छ । ***
