Deneme Bonusu Veren Siteler
मंगलबार, साउन ०१, २०८१
Tuesday, July 16, 2024
गोरखा– नेपाली कांग्रेसका सभापति सुशील कोइरालाले आफू र वरिष्ठ नेता शेरबहादुर देउवाबीच बोलचाल बन्द भएको विषयमा सञ्चारमाध्यममा आएको समाचार झुठो भएको दाबी गर्नुभएको छ ।
गोरखा सदरमुकाम गोरखा बजारमा शनिबार बिहान सञ्चारकर्मीसग कुरा गर्दै सभापति कोइरालाले आफूहरुबीच बोलचाल रहेको तथा पार्टीमा जारी विवाद हल गर्नेबारे निरन्तर संवाद भइरहेको दाबी गर्नुभयो ।
नेता देउवाको असहमतिका बावजुद सभापति कोइरालाले केन्द्रीय समितिमा बहुमत जुटाएर देउवाको पकड रहेका महिलासंघ, तरुण दल, आदिवासी जनजाति संघलगायतका भातृ संस्था विघटन गरेपछि दुई नेताबीचको सम्बन्ध चिसिएको छ । सभापति कोइरालाले पार्टीमा सञ्चारमाध्यमहरुले भनेजस्तो विवाद नभएको जिकिर गर्दै सहमतिका लागि छलफल भइरहेकाले छिट्टै समस्या समाधान हुने बताउनुभयो ।
‘अरु पार्टीमाजस्तो हाम्रो पार्टीमा नेताहरुबीच बोलचाल नहुने र हानाहान हुने अवस्था छैन’, कोइरालाले भन्नुभयो, ‘हामीबीच कुराकानी भइरहेको छ ।’ अर्को एक प्रसङगगमा उहाँले पछिल्लो समय शान्ति र संविधान लेखनका विषयमा दलहरु सहमति नजिक पुगेको बताउनुभयो । सहमतिका लागि माओवादी थप लचकता र गम्भीरतासाथ प्रस्तुत हुनुपर्ने कोइरालाको भनाइ छ ।
तपाईको प्रतिक्रिया