नयाँदिल्ली– चार दिने सदभाव भ्रमणका लागि बिहीबार नयाँदिल्ली आइपुग्नुभएका प्रधानमन्त्री डा. बाबुराम भट्टराईले शनिबार पनि भेटघाट तीब्र पार्दै हुनुहुन्छ । प्रधानमन्त्रीले शनिबार सुरक्षा तथा आपसी सम्बन्ध विस्तार गर्ने कार्यक्रममा सहभागी हुने कार्यक्रम छ ।आजका कार्यक्रमहरुः
– भारतीय रक्षामन्त्री, गृहमन्त्री तथा सत्तारुढ दलका विभिन्न नेतासँग भेटघाटको कार्यक्रम ।
– जवाहरलाल नेहरु विश्वविद्यालयको कार्यक्रममा सहभागी हुने ।
– नेपाली दूतावासले आयोजना गरेको कार्यक्रममा सहभागी हुने ।
प्रधानमन्त्री डा. भट्टराईले शुक्रबार भने महत्त्वपूर्ण राजनीतिक भेटघाट गर्नुभएको थियो । उहाँले शुक्रबार भारतीय राष्ट्रपति प्रतिभा पाटील, उपराष्ट्रपति हमिद अन्सारी, प्रधानमन्त्री मनमोहन सिंह, अर्थ तथा विदेशमन्त्रीसँग भेट गर्नुभएको थियो ।
प्रधानमन्त्रीले शुक्रबार भारतको संसद्की विपक्षी दलकी नेतृसँग पनि भेट गर्नुभएको थियो ।
