सोमवार निर्देशक तुलसी घिमिरेले नेपाली चलचित्र क्षेत्रका लागी पुर्याएको योगदानको उच्च मूर्याङ्कन गर्दै चलचित्र विकास बोर्डको सिफारिसमा प्रदान गर्नलागिएको सम्मानित नागरिकताको प्रकृया गृह मन्त्रालयमा पुगेको छ । निर्देशक तुलसी घिमिरे स्वयमले दिएको जानकारी अनुसार नागरिकताको प्रकृया बोर्डहुदै सञ्चार मन्त्रालयबाट गृह मन्त्रालयमा पुगेको हो । नेपाल र नेपाली चलचित्र आफुलाई अत्यन्त प्यारो लाग्ने बताउँदै घिमिरेले बोर्डले गरेको निर्णयको प्रशंसा गरे ।
‘नेपाल सरकारले कला क्षेत्रमा सक्रिय ब्यक्तिहरुको सम्मान गर्नथालेको छ’, घिमिरेको प्रतिक्रिया थियो । आफुलाई मात्र नभएर चलचित्र विकास बोर्डको सिफारिसमा सरकारले अन्य ब्यक्तिहरुको पनि सम्मान गर्नथालेको बताउँदै घिमिरेले बोर्डलाई आभार ब्यक्त गरे । नेपाली चलचित्र क्षेत्रमा माइलस्टोन सिनेमा दिन सफल घिमिरेले निरन्तर यहि क्षेत्रमा लाग्ने समेत बताएका छन् ।
आफुलाई नेपाल प्यारो लाग्ने र नेपालीहरु आफ्नै परिवार लाग्ने भएकोले नेपाल र नेपालीको पहिचान बोक्ने चलचित्र बनाउने गरेको घिमिरेले प्रतिक्रिया दिए । उनले पछिल्लो शान्तिका प्रतिक भगबान गौतम बुद्ध नेपालमा जन्मीएको भए पनि अन्यत्र जन्मीएको प्रचार बिदेशमा भएको प्रति चिर्ता ब्यक्त गर्दै बुद्ध बारे चलचित्र बनाइरहेको जानकारी दिए । उनले बुद्धको बारेमा एनिमेटेड चलचित्र मार्फत बुद्धको बारेमा जानकारी दिने बताए ।
पछिल्लो समय निस्त्रिmय भएको जस्तो देखिए पनि आफुले निरन्तर चलचित्रमा लाग्ने गरेको उनले बताएका छन् । चलचित्र बजारमा आउन केही ग्याप भएको भए पनि आफु निरन्तर आन्तरिक तयारी गरिरहेको घिमिरेको प्रतिक्रिया छ । उनले बृद्ध भत्ता पाउने चलचित्रकर्मीको भत्ता रकम बढाउने, चलचित्र बारे पढ्ने विद्यार्थीले पाउने छात्राबृत्तिको रकम बढाउने लगायत स्टुडियो निर्माण गर्न बारे विकास बोर्डले गरेको निर्णयको खुलेर प्रशंसा गरे ।
