विश्वकै अग्लो पुरुष र होची महिलाको भेटपछि…

काठमाडाैं – विश्वकै सबैभन्दा अग्लो पुरुष र सबैभन्दा होची महिलाको यो तस्वीर फोटोसपको चमत्कार होइन । यस ग्रहकै सबैभन्दा अग्ला ८ फिट ९ इन्च उचाइका टर्कीका ३६ वर्षीय सुल्तान कोसेन टावर जस्तो देखिएका छन् ।

जब कि २ फिट ६ इन्च मात्र उचाइकी भारतको नागपुरकी ज्योति अम्गेलाई उनको शिरसम्मको झलक पाउन टाउकोलाई आफूले सकेसम्म पछाडि तन्काउनुपरेको देखिन्छ । २५ वर्षीय अम्गे विश्वकै सबैभन्दा होची महिलाका रूपमा गिनिज बुक अफ वल्र्ड रेकर्डमा दर्ता भइसकेकी छिन् । उनले आफना ठीक उल्टो कीर्तिमानधारीसँग इजिप्टमा फोटोसुटका लागि भेटिकी हुन् ।

विश्व कीर्तिमानधारी यी जोडीले इजिप्टको गिजा शहरमा देशको पर्यटन प्रवद्र्धन प्रयोजनका लागि विभिन्न पोजमा तस्वीर खिचाएका थिए । पिउटुइटरी ग्ल्यान्डमा हुने गडबडीका कारण अत्यधिक अग्लो भएका कोसेन इतिहासमा ८ फिट वा त्योभन्दा बढी उचाइ हुने १० व्यक्ति मध्येका एक हुन् । अकोन्डोप्लासियाका कारण होची बनेकी अम्गे २५ वर्षकी भए पनि २ वर्षका बालबालिकाको औसत उचाइभन्दा होची छिन् । –एजेन्सी 

तपाईको प्रतिक्रिया
© २०१६ सर्वाधिकार समुद्रपारिमा सुरक्षित