टोकियो–गुल्मी जिल्लाको आँपचौरबाट जापानमा आई विभिन्न पेशा व्यावसाय अध्ययन गर्नेहरुको संस्था गुल्मी आँपचौर सेवा समितिको पाँचौ अधिवेशनले महेन्द्र अधिकारीको अध्यक्षतामा १५ सदस्यीय कार्यसमिति सर्वसम्मत रुपमा निर्वाचित गरेको छ ।
आँपचौर तथा समग्र गुल्मी जिल्लाको विकास र सवृद्धि तथा जापानमा रहेकाहरुका लागि अत्यावश्यक परेका बेला सेवा र सहयोग पुरयाउनका लागि गठन गरिएको सो समाजको उपाध्यक्षमा दधिराम खरेल, महाशर्मा खरेल, प्रकाश खरेल, भानु अर्याल, आत्माराम भट्टराई निर्वाचित भएको अध्यक्ष मण्डलका सदस्य गुणराज सापकोटाले जानकारी दिनुभयो ।
नवनिर्वाचित कार्यसमितिको महासचिवमा कृष्णप्रसाद पोखरेल, सचिवमा विष्णुप्रसाद खराल, कोषाध्यक्षमा गोकुल अर्याल र सह कोषाध्यक्षमा सविन घिमिरे रहनु भएको छ ।
त्यसैगरि सदस्यहरुमा सरस्वती खरेल, घनश्याम खरेल, घनश्याम खराल, शिव रोका र ददीराम अर्याल निर्वाचित हुनुभएको छ । त्यस्तैगरि विष्णु खरेल, सुनिल अर्याल, दिपक अर्याल र टोपलाल तिवारीलाई समेत मनोनित सदस्यका रुपमा राखिएको अध्यक्ष अधिकारीले जानकारी दिनुभयो ।
हालै सम्पन्न पाँचौ अधिवेशनको उद्घाटन गर्दै गुल्मेली समाजका अध्यक्ष शालिकराम भण्डारीले आपसी सद्भाव र भाइचाराका लागि समाजहरुको महत्वपूर्ण भूमिका रहेको बताउनुभयो । कार्यक्रमका विशिष्ट अतिथि घले समाज जापानका महासचिव अनुरोध घलेले परदेशमा रहेका नेपालीहरुद्धारा गठन गरिएका समाजले अप्ठ्यारोमा परेका धेरैलाई सहयोगीका रुपमा कार्य गरेकाले समाजको औचित्य पुष्टि भएको बताउनु भयो ।
समाजका उपाध्यक्ष महाशर्मा खरेलको स्वागत मन्तव्य रहेको कार्यक्रमको सञ्चालन महासचिव बलदेव केसीले गर्नुभएको थियो ।
जनवरी २७ मा विविध कार्यक्रम गर्ने
आँपचौर समाज जापानले आगामी जनवरी २७ तारिकका दिन नवनिर्वाचित कार्यसमितिलाई पद हस्तान्तरण, सम्मान तथा साँस्कृतिक कार्यक्रम गर्ने भएको छ ।
निर्वाचित कार्यसमितिका पदाधिकारीहरुलाई प्रमाणपत्र वितरण, समाजका लागि योगदान पुर्याएका व्यक्तित्वहरुलाई कदरपत्र वितरण गरिने अध्यक्ष महेन्द्र अधिकारीले जानकारी दिनुभयो । उहाँका अनुसार जापानमा रहेका कलाकार सूर्य खड्का, सोना केसी लगायतको उपस्तिथिमा साँस्कृतिक कार्यक्रम गरिनुका साथै आँपचौरबासी दाजुभाइ दिदीबहिनीहरुका बिचमा सुखदुख साटासाट गर्नका लागि रात्रीभोजको आयोजना समेत गरिने बताउनुभयो । कार्यक्रम सिन्जुकु खावुकिच्योमा हुने पनि बताइएको छ ।
