काठमाडौं – भारतको मुम्बईमा एक मिठाई पसलमा आगलागी हुँदा १२ जनाको मृत्यु भएको छ ।
साकी-नाका क्षेत्रको खैरानी रोडमा बिहान सवा ४ बजे आगो लागेको हो । १५ जना मिठाई बनाउने कामदार पसल भित्र सुतिरहेका समय आगलागी भएको हो ।
बिजुलीको तारबाट सल्किएको आगो काठका सामान र मिठाईका कच्चा पदार्थमा फैलिएपछि सुतिरहेका कामदार आगोको चपेटामा परेका हुन् । आगलागीका कारण मिठाई पसल रहेको घर भत्किएको भारतीय सञ्चारमाध्यमले जनाएका छन् ।
